Festa manna in domu de s’amigu Andria: cun sa mulleri Arrica ddis est arribada una pipia
Norabonas mannas de sa trumixedda de Bideas.org (1)
Arribada est sa stràngia
Amigu bellu tengu in Inglaterra
Aìnturu ‘e arretza sèmpri a murigai
Su coru tenit bècia in custa terra
Dònnia dii faina noa est a circai
Galana est sa mulleri e no nc’est gherra
In ludu e spèntumu est a forrogai
Arrèxini circhendi asuta ‘e terra
Sulena at a essi in si-dd’apoderai
Su primu ‘e donniasantu ita allirghia
Prexu cun stràngia meda est arribau
Àgata dd’ant postu a sa pipia
A sa famìllia luxi dd’at portau
Mannu traballu imoi a s’ arricia
Tempus de si spassiai est acabbau!
(1) Andria est inginnieri informàticu, sèmpiri afainau, Arrica est archeòloga: santa donna ca arrenescit a ddu poderai, avolotau coment’est!
Màgini: Gino Severini, Maternità 1916, Museo dell’Accademia etrusca e della Città di Cortona
