Màgini: Pablo Picasso, Fèmina imbriaga e stasia, 1902
poesia de autori disconotu, agatada in s’arretza de Maria Farranca
Mulleredda mia
Mulleredda mia candu còmporat su binu,
Si-ndi bufat sa metadi in caminu,
a mei narat ch’est mali mesurau.
Ohi ’ta mulleredda ch’apu ’ncapitau!
Mulleredda mia candu fait is macarronis, (1)
nci ‘etat su mucu a carronis,
a mei narat ch’est ollu callau. (2)
Ohi ’ta mulleredda ch’apu ’ncapitau!
Mulleredda mia candu fait su letu,
in sa parti sua est totu deretu,
in sa parti mia est totu atrotoxau.
Ohi ’ta mulleredda ch’apu ’ncapitau!
Mulleredda mia candu bandat a missa,
totu is butegas si girat issa,
e mi narat ch’at cuminigau.
Ohi ’ta mulleredda ch’apu ’ncapitau!
(1) Varianti: Mulleredda mia candu fai macarronis,
ndi fait tres che tres schidonis,
M’indi arruit unu e mi bocit su cani.
Mulleredda mia torra-mi-ndi a fai.
(2) Varianti: a mei narat ch’est casu furriau
Francesco Capuzi dd’at posta a mètrica puru, po dda cantai:
Candu piga’ binu
Mitzas:
www.gentedisardegna.it/post.asp?method=TopicQuote&TOPIC_ID=9799&FORUM_ID=46
Messaggero Mulleredda
www.youtube.com/watch?v=1D-snxvOH3E
www.youtube.com/watch?v=Pyq9agWaMyA
Una mulleri chi no dda pagat dinai🤣 Biada su pobiddu🤣