Màgini de ChatGPT
Qui trovi la traduzione in italiano.
Here you will find the English translation.
A incuru de Maria Farranca.
Càstia puru: Famosìssima maleditzioni de s’arretori de Masuddas.
Sa scomùniga de Predi Antiogu V.
S’ofensa: is fielis chi dd’ascurtant arriendi-si-ndi, ddus incurparat de dònnia genia de vìtziu.
Populo archiladori,
abbandonau de giai (160)
de sa manu ‘e su Criadori,
torra-ndi a penitèntzia!
Si miticoi no ti sbòddias
de is afàrius de cuscièntzia
s’incapa’ ti-ddui tròddias. (165)
Ischi… ischi… Liori
cun totu’ cantu is tiaus.
Ma poit’ e’ chi si-nd’arrieis?
Ma labai ca seis maus,
peu’ de ‘osatrus no ddui-nd’at(i) (170)
e seis in comunidadi
una màniga de ladronis.
Ni brabeis e ni angionis
e ni bacas e ni bois
no dda pòdint(i) campai (175)
sia’ de ‘idda o siat(a) stràngiu
ca ‘onniunu boit intrai
me in su cuu de su cumpàngiu.
E ita tiau de manera,
e ita totu imprabastais? (180)
I apustis s’annischitzais
ca si-nc’ ‘etant a galera:
a sa fruca iat a essi mellus
e dd’ia a nai prus beni fattu
ca seis tantis mraxanis (185)
e furuncus che-i su ‘atu,
imbidiosus de s’allenu
chi si-ndi satant is ogus,
praitzosus che-i su cani
ca ‘olleis bivi de fura (190)
e sentza de traballai,
malandrinus sen’ ‘e contu
e-i su chi pari’ prus tontu
‘i-ndi ‘oddit sa musca in s’ària!
Minci anca seis bassius (195)
infangaus fintzas a bruncu
in dònnia sorti ‘e pecau.
Minci e chini s’at isbiddiau!
Chini, malintentzionau,
si unit cun tres o cuatru (200)
bribbantis che a iss’ etotu
e cicant a s’unu i a s’atru
po ddu torrai a pedí,
chi no ddu podint ‘ocí.
Sighit: Chini, malu-pentzadori, boga’ famas a su ‘ixinu…
