Màgini de ChatGPT
Qui trovi la traduzione in italiano.
Here you will find the English translation.
A incuru de Maria Farranca.
Sighit de: Famosìssima maleditzioni de s’arretori de Masuddas.
Sa scomùniga de Predi Antiogu II.
Sa fura. Cincu o ses ladronis, mancai de prus, assartillant su medau de s’arretori e si-ndi pigant is bèstias.
Po cuddus chi no ddu sciint(i), (20)
obrascendi a sa dii binti
de su mesi chi ddu’ e’ bassiu,
in d-una noti ‘e scuriu
faci a su spanigadroxu
a i’ duas oras po is tres(i) (25)
fuant(a) prus de cincu o ses(i),
chi, a pistoa e a scupeta,
passau’ funt(i) in Gennereta,
s’eca ant assatillau
e is crabas ‘i-nd’ant(i) liau (30)
de mimi su Vicariu;
(…)
Auncas artzeus sa ‘oxi:
is crabas fuant(a) doxi (45)
sentza chi siant(a) contadas
cuatru brabeis angiadas
i atras tres allatantis
chi cincu diis a innantis
po essi tropu pitias (50)
i si-ddui fuant(a) istruias.
Ddui fut u’ angioneddu
sentza de tenni s’annu,
chi a pasci, su scureddu,
no podiat mancu bassì, (55)
ca ddi luxiat su piu
de cantu fut grassu,
ni a de noti ni a de dii.
Ddui fut su crabu mannu,
ddui fut su mascu ‘e ghia (60)
e u’ antru chi ndi tenia
chi donni’ annu, po Pasca,
sena nienti de malu,
a una gomai mia
ndi fadia s’arregalu. (65)
E po tali sinnali
potànt(a) is pegus mius
totus sa guturada.
Potàt(a) su crabu sou
po chi essi fatu scidu (70)
sonalla e pitajou.
Su tontu! A no ai sonau
candu ndi-d’ant(i) liau,
ca ndi fuia bassiu
cun sa daga e is trumbonis, (75)
ca si ant’essi cagau
po fintzas is cratzonis.
Sighit: Basta, sigaus a nai ca no mi ‘ollu imbidrigai…
