Màgini de ChatGPT
Qui trovi la traduzione in italiano.
Here you will find the English translation.
A incuru de Maria Farranca.
Càstia puru: Famosìssima maleditzioni de s’arretori de Masuddas.
Sa scomùniga de Predi Antiogu VII.
Cadebai a Coixedda: tocat a tenni timoria de Lutziferru, a fracaxu e coa de atzraxu, e de is arroris de s’inferru.
Ohi… amomia scura! (235)
A no iscì ca ddu est su ‘nferru,
a no tenni paura
de cussa bèstia ‘e Lutziferru!
E no ddu biei’ pintau
ca pota’ su frucaxu (240)
e sa coa de atzraxu
cun farruncas de intruxu?
Cadebai a Coixedda,
cun is corrus trotoxaus
e is ungheddas de mobenti (245)
a gropas de su tzrapenti
ca pota’ seti concas
sena contai is iscropionis
pìbaras e caborus
chi ddui-nd’at(i) a ceddonis. (250)
E tigris e lionis
e cantu no ddui-nd’at(i)!
Cantu brabaridadi!
Mincidissu e ita giogu
ddui fait u’ tiaueddu: (255)
a su sessu femininu
‘i-ddi ‘eta’ prumu scallau;
a su sessu masculinu
ddi brintat una barrina
chi ddi passat me in sa schina (260)
e si-ndi-dd’ogat in cuu.
Ahi, ddui-nd’at de tremi
e de fai oratzioni
mancai fessit unu bremi.
Sighit: Adduncas incumantzeus: siant iscomunigaus…
