Màgini: Inferru, Hieronymus Bosch, State Hermitage Museum, St. Petersburg, Russia
de Antoni Nàtziu Garau
Sighit de: Arguai: atesu de certus amigus!
IS AMIGUS BELLUS :
PSICOLOGIA DE IS ANIMALIS A DUAS CAMBAS
Mutetus frorius, a tres peis
Dd’agiudas a artziai assusu,
in tempus de suferèntzia
dd’allèbias(a) su dolori.
Dd’agiudas a artziai assusu:
si fùrriat a traitori
che bèstia sena ‘e cuscièntzia
e no ti càrculat prus(u).
In tempus de suferèntzia:
e no ti càrculat prus(u),
si fùrriat a traiatori
che bèstia sena ‘e cuscièntzia.
Dd’allèbias(a) su dolori:
che bèstia sena ‘e cuscièntzia,
e no ti càrculat prus(u),
si fùrriat a traiatori.
&&&&&&&&&&
In s’ora de cuddu apretu,
ca ndi teniat abisòngiu,
dd’as amostàu amigàntzia.
In s’ora de cuddu apretu:
cun malesa e arrogàntzia,
de naturali mudòngiu,
ti fait dònnia dispetu.
Ca ndi teniat abisòngiu:
ti fait dònnia dispetu,
cun malesa e arrogàntzia,
de naturali mudòngiu.
Dd’as amostàu amigàntzia:
de naturali mudòngiu,
ti fait dònnia dispetu,
cun malesa e arrogàntzia.
&&&&&&&&&&
In s’ora de cuddu apretu,
ca ndi teniat abisòngiu,
dd’as amostàu amigàntzia.
In s’ora de cuddu apretu:
cun malesa e arrogàntzia,
de naturali mudòngiu,
ti fait dònnia dispetu.
Ca ndi teniat abisòngiu:
ti fait dònnia dispetu,
cun malesa e arrogàntzia,
de naturali mudòngiu.
Dd’as amostàu amigàntzia:
de naturali mudòngiu,
ti fait dònnia dispetu,
cun malesa e arrogàntzia.
&&&&&&&&&&
Si beni tui dda cumpudas
custa genia de lista,
est genti sena ‘e onori.
Si beni tui dda cumpudas:
atobiendi-ddus in mori,
no fais bella conchista,
ca funt(i) farsus che Giudas!
Custa genia de lista:
ca funt(i) farsus che Giudas,
atobiendi-ddus in mori,
no fais bella conchista!
Est genti sena ‘e onori:
no fais bella conchista,
ca funt(i) farsus che Giudas,
atobiendi-ddus in mori!
