Màgini de G.Salaris
Bideas.org si cunsillat de ddus tzerriai poita ca sa cumèdia est spassiosa diaderus
Bellu spetàculu in su teatru de Terraba su 22 e 23 de friàrgiu 2025 cun sa cumèdia: Sa noti de Santa Luxia
de Giampaolo Salaris
A s’acabbada Luxia cantat sa poesia afatanti
Luxia Arrabiosa
Ita arrori mannu su chi m’est costau
mancu tres arrialis m’ant ‘ofiu lassai.
Nanca arrica fia e prena de dinai
bella e prosperosa mi depia cojai.
Mi depia cojai bella e prosperosa
ni lillu e ni arrosa Gianni m’at portau
ca si nc’est andau cun cussa mafiosa
Luxia Arrabiosa deu depia abarrai.
Deu depia abarrai sa disisperada
in domu arrefudada de s’amori miu
Giuanni s’est fuiu e m’at lassau a sola
issu boba boba e deu chentza ‘e dinai.
Chentza de dinai ohi ojamomia,
a Santa Luxia mi depia invocai.
Ita arrori mannu su chi m’est costau
mancu a su tiau mi depia invocai.
Mi depia invocai a Santa Luxia
ohi ojamomia su chi m’est costau.
In mesu su tiau s’e’ postu e s’aramigu
custu est su distinu chi m’est incapitau.
