Alèssiu Mura mogoresu, prus connotu che “Su Maistu”, est unu de is prus cantantis mannus de su rap in lìngua sarda. At fundau, impari cun Andria Mura, sa crew stòrica e innovadora Balentia.
Paraus is versus de sa cantzoni Fueddu sardu: fait fintzas a dd’ascurtai innoi, prus in bàsciu.
Fueddu sardu
Fueddu sardu e ti cumprendu mancai siast nugoresu
mancai bengias de atesu, sulcitanu o gadduresu.
Fueddu sardu e sardu fueddu, s’ascurtaus, s’intendeus,
una lìngua po sa genti in dònnia bidda innui seus.
Seus sardus e no ndi ‘ollu intendi de mi ponni in mesu
ca dònnia ‘orta chi certaus d’acabbaus sèmpiri peus.
Si poneus a batallai luegu’ ge’ si connosceus,
fueddu sardu, sardu fueddu e dd’as a bi’ ca ge’ lompeus.
A mei m’aconcat de ddu imperai dònnia ‘orta chi potzu,
mi domandant poita? Poita ca nc’est abbisòngiu
ca sa lìngua est s’orgòlliu e deu m’intendu prontu,
fueddu sardu me in s’arruga, in su tzilleri, me in domu.
Fueddu sardu e circu ‘e ti cumprendi in dònnia logu,
fintzas me in scola innui cancunu dd’iat a ponni fogu.
Me in s’arràdiu, me in su web dd’eus pigada a tipu giogu
e dda pigaus che a sa sèria e dd’amostaus arrogu arrogu amarolla.
Controlla chi seus faendi be(n)i,
fueddaus de sa lìngua nosta, amosta chini nc’est(i).
Acosta a bi’ ita ddoi est(i), gei si cumprendi’ it’ est(i)
de sa Baronia a s’Ollastra, in Campidanu e in su Gerrei.
Mi nant traditzioni, toca bai ca no est aici,
chistiona de cultura a is chi ancora no ddu sciint.
Dd’as a biri ca ge’ dd’eus a binci, sciis ca tocat a spingi.
In cabu ‘e bàsciu, in cabu ‘e susu e’ su sardu ca spingit.
Fueddu sardu e ti cumprendu mancai siast nugoresu,
mancai bengias de atesu, sulcitanu o gadduresu.
Fueddu sardu e sardu fueddu, s’ascurtaus, s’intendeus,
una lìngua po sa genti in dònnia bidda innui seus.
Seus sardus e no ndi ‘ollu intendi de mi ponni in mesu
ca dònnia ‘orta chi certaus d’acabbaus sèmpiri peus.
Si poneus a batallai luegu’ ge’ si connosceus,
fueddu sardu, sardu fueddu e dd’as a bi’ ca ge’ lompeus.
A chini mi narat ‘ònnia ‘orta “oh, ma deu no ddu chistionu”
deu ddi nau “a su mancu prova e ge’ si scerat chi ses bonu”
dd’arretronu finsas a candu càmbiat su sonu
e no si cumprendit chi e’ de sa Planàrgia o Logudoru
poita e’ giai de chi ses nàsciu chi ddu portas aìnturu
dd’as intèndiu batallai de ajaju, babbu e ses cunvintu
ca po tui siat aici strintu ma unu bistiri gasi lìmpiu
ti-ddu ponis e ddoi capis ca ddu tenis de istintu.
Mi nd’acatu e mi ddu intendu ca mi ndi bessit mellus candu
unu bellu fueddu de amori o su frastimu pru’ bastardu.
Deu no dd’arrexonu meda e no nci stèsiu prus a largu
ma est seguru ca ballit de prus candu est scritu in sardu.
E tandu comenti narat calincunu
su témpus est cumpriu po ddu serrai custu digiunu.
No cumandat nisciunu e ge’ nd’est meri in sei donniunu,
custa mitza de su sardu est bella frisca e deu seu sciugu.
Fueddu sardu e ti cumprendu mancai siast nugoresu,
mancai bengias de atesu, sulcitanu o gadduresu.
Fueddu sardu e sardu fueddu, s’ascurtaus, s’intendeus,
una lìngua po sa genti in dònnia bidda innui seus.
Seus sardus e no ndi ‘ollu intendi de mi ponni in mesu
ca dònnia ‘orta chi certaus dd’acabbaus sèmpiri peus.
Si poneus a batallai luegu’ ge’ si connosceus,
fueddu sardu, sardu fueddu e dd’as a bi’ ca ge’ lompeus.
Me scola, in butega, in s’aposentu, in cobertura tui
fuedda su sardu e deu
fueddu su sardu!
Me monti, in su pranu, me mari, in s’arruga tui
fuedda su sardu e deu
fueddu su sardu!
Cun sa sorri, su fradi, sa sorga e sa nura tui
fuedda su sardu e deu
fueddu su sardu!
Cun chini at studiau e chini ddu chistionat a fura tui
fuedda su sardu e deu
fueddu su sardu!
Màgini modificada de ChatGPT cun su permissu de Balentia.
