Màgini de Gabriella Botta
in FB, Cagliari vivere in vacanza, 29.04.2024
Una poesia
de Daniele Prasciolu
Casteddu
Basca, Casteddu callenti
Su soli luxit in s’àiri fogosu
Unu scimìngiu de genti
Acòlliat meriendu po gosu
Suta matas de figu tropicali
In custu buddori infernali
Genias difarentis amesturant
Culturas, línguas allenas
De antighidòriu profumant
De vida totus sunt prenas
Gollopu (D. P.)
