In su 1896 de sa navi Jchnusa, partia de Nàpoli, ndi fiat calau in su portu de Casteddu su circu de Zacaria Colasberna, nomenau po tenni unu biaxi de bèstias spantosas. Candu, in su mesi de làmpadas, si fiant acampaus in su sartu de Cabuderra fiat incapitau un’acuntèssiu malu diaderus. Unu lioni, bellu e mannu de no crei, si fiat fuiu e si fiat cuau in su padenti. Diis e diis dd’iant circau, a s’acabbu duus carabineris dd’iant cassau in d-unu pardu papendi-sì una brebei e dd’iant bociu cun d-unas cantu fusiladas.
Tres annus infatu, in sa foresta de Is Cannoneris – acanta de Punta Sèbera, comunu de Santadi -, unu cassadori iat biu unu sirboni mannu mannu a colori de oru. In medas si fiant postus a ddu circai, a s’acabbu su fotògrafu Boricu Serra fiat arrennèsciu a dd’agatai e dd’iat tirau una fotografia.
De intzaras, de su Lionorcu nisciunus iat tentu nova peruna.
Màgini de Roberto Gallà, po befai is chi donant novas frassas imperendi s’intelligèntzia artificiali
pigau de www.didatticarte.it/Blog/?p=33261
