Màgini: Léon Frédéric (1856-1940) – Tres sorris – 1896.
Tres pipias.
Tres netas, ma atropèlliant(a) po centu.
Castiendi-sì sa manna est in su sprigu,
s’àtera mai dd’acabba’ ‘e fai murigu,
agoa no, sa pitica in s’aposentu.
De atesu benint, de frius, sena ‘e stentu,
a mari bolint andai, ita frandigu.
Nadendi, acabussendi a totu intrigu,
cun issas giogat ajaju i est cuntentu.
Che sardu antigu parit meri mannu,
àrtziat sa boxi, ‘e cumandai est cumbintu,
de generali fait mancai s’atori.
Dd’ascùrtant(a) garbosas: ma est tirannu!
Un’arriseddu e su cuntrastu est bintu.
Partint, in domu sceti su mudori.
Innoi fait a dda ligi fintzas a tres lìnguas.
