Màgini: Su mortixeddu de Giuseppe Pellizza da Volpedo, (1868-1907) (1).
Qui trovi la traduzione in italiano.
Here you will find the English translation.
S’arregordu de unu pipiu chi s’iat lassau tropu a chitzi.
Su cumpangeddu miu
Bolis Andria curri cun mei? Arriiat,
prexau po cussu giogu de pipiu,
chi mai iat fatu, sa faci luxiat,
che lillu, po cumbidu arriciu.
Spramada, lestra, sa maistra acuriat,
“No fait”! Primau su frori giai pansiu.
Mortu s’iant nau in atòngiu si fiat.
Teniat set’annus su cumpàngiu miu.
A Bonària portaus s’iant a pregai.
Femu cunfùndiu? A banda s’agonia,
in pratza ‘e scola, luegus a giogai.
Imoi nci pensu, a frius de cilixia,
bellu fiat frori, sena de allirgai,
pòbera sorti, trista sa poesia.
(1) Meisterdrucke.
