Màgini de ChatGPT
Qui trovi la traduzione in italiano.
Here you will find the English translation.
A incuru de Maria Farranca.
Càstia puru: Famosìssima maleditzioni de s’arretori de Masuddas.
Sa scomùniga de Predi Antiogu VI.
Para Crispinu: is malintranniaus nant ca in is oras prus serchetas aturàt fendi marietas cun d-una fèmina cojada, candu dd’iat agatau su “crabu”.
Chini, malu-pentzadori, (205)
boga’ famas a su ‘ixinu
narendu chi frai Crispinu
a is oras prus serchetas
aturà’ fendu marietas
e-i dd’iat agatau su crabu (210)
gioghendu cun sa pobidda,
candu chi totu sa ‘idda
ddu depit arraspetai
ca arrancu de gunnedda
no ndi-dd’at andau mai. (215)
Cropu de anca seis arrutus!
E a mimi no m’eis bogau,
aici si-ndi ‘oghint is ogus
e-i s’aba de su figau,
chi a mesudì tocau (220)
i mi seu abarrau
aundi e’ ‘omai Prudèntzia
a fai su meigama,
candu chi sa scuredda
no potat mancu dentis (225)
e sena de contai
atrus incumbenientis?
Seis ‘osatrus is bribantis,
bagadius e bagadias,
chi a sa muda i a su scuru (230)
‘i-nci ‘esseis a manu muru
candu no ddu e’ babbai,
ca tengu fintza bregùngia
de ddu nai me in s’Artai.
Sighit: Ohi… amomia scura! A no iscì ca ddu est su ‘nferru…
