Martzu, su mesi machillotu.
Mesi machillotu. Sa genti de citadi ddi narat ‘birbanti’, comenti denghendi-ddu, po sa manera sua de si primai totinduna, che pipiu.
Ugo Dessy
Read More
Friàrgiu
Freartzu traitore, narat unu dìciu logudoresu; e is dìcius campidanesus puru torrant a nai cantu custu mesi est frassu, donendi-nde-ddi su naturali a certa genia de genti: Friàrgiu duas facis, una bona e s’àtera mala; opuru: “Falsu che friàrgiu”; infinis su dìciu: “Fai duas facis che friàrgiu”.
Gennàrgiu
Arribant is diis sicus, unu tantixeddu de tempus a celu lìmpiu e sciugu, cun d-un’araxixedda de tramuntana. Su mari, pruschetotu in is primus oras de mengianu, est lisu che ollu. Est tempus de arritzonis chi, apustis sa luna de Paschixedda, funt prenus de is ous insoru arrùbius, a bisura de steddu.
Mesi de Idas
A su messaju dd’amancat totu ma no sa passièntzia. Candu in d-un’arrogu de terra su trigu no est bessiu, si ponit a ddu semenai de bellu e nou. E chi no tenit prus sementza, dda pigat de su muntoni in su stàuli, allogau po su pani de domu, o si-ddu fait imprestai de su comercianti usureri, chi ddu bolit torrau addopiau a mesi de argiolas, chi est onestu.