Andrea Parodi in d-una fotografia pigada de Vista
de Stevinik
su 10 de donniasantu 2017
S’àtera dii m’est incapitau de ligi (e de dd’intendi cantada de una cantadora argentina famada, Mercedes Sosa) una cantzoni scrita in su 1979 de un’artista cubanu, Silvio Rodríguez; aici ligendi e ascurtendi m’est arregordau ca nd’ia giai intèndiu una bersioni cantada de sa bonànima de Andrea Parodi chi mi fut pràxia meda. Sigomenti ca is fueddus funt amajadoris meda (mancai potzant essi interpretaus a maneras diferentis) m’est bènnia sa gana de ddus furriai a sa lìngua nosta.
E custu est s’arresurtau
Sa massa (La maza)
Chi no creessi a su machiori
de su cantai ‘e passirillanti
chi no creessi ca in su monti
si cuat su cantu e su timori.
Chi no creessi a sa bilàntzia
a s’intzimia de s’echilìbriu
chi no creessi a su dillìriu
chi no creessi a sa speràntzia.
Chi no creessi a su chi circu
chi no creessi a su caminu
chi no creessi a su stragatzu
chi no creessi a su mudori.
Ita iat a essi, ita iat a essi,
sa massa chene pedra
unu muntoni de funi e cardamponis
un’amesturu de petza e de linnàmini
aina sbòida de pretèndidas prus bellas
che luxixeddas montadas po scioru.
Ita iat a essi, coru miu, ita iat a essi
ita iat a essi sa massa chene pedra.
Cani de strexu ‘e su traitori ‘e tzacamanus
serbidori de antigòriu in besti noba.
Eternadori de deidadis scurigadas
prexu buddiu cun tzàpuus e lustrinus.
Ita iat a essi, coru miu, ita iat a essi
ita iat a essi sa massa chene pedra.
Chi no creessi a su prus tostu
chi no creessi a su disìgiu
chi no creessi a su chi creu
chi no creessi a cosa nida.
Chi no creessi a dònnia ferta
chi no creessi a sa chi lompit
chi no creessi a su chi est cuau
faendi-sì fradi de sa vida.
Chi no creessi a chini ascurtat
chi no creessi a su chi dolit
chi no creessi a su chi abarrat
chi no creessi a su chi gherrat.
Ita iat a essi, ita iat a essi,
sa massa chene pedra
unu muntoni de funi e cardamponis
un’amesturu de petza e de linnàmini
aina sbòida de pretèndidas prus bellas
che luxixeddas montadas po scioru.
Ita iat a essi, coru miu, ita iat a essi
ita iat a essi sa massa chene pedra.
Cani de strexu ‘e su traitori ‘e tzacamanus
serbidori de antigòriu in besti noba.
Eternadori de deidadis scurigadas
prexu buddiu cun tzàpuus e lustrinus.
Ita iat a essi, coru miu, ita iat a essi
ita iat a essi sa massa chene pedra.
Innoi sa bersioni de Andrea Parodi cun Al Di Meola a sa ghitarra
