Màgini: Su segundu cuadru pigau de s’arromantzu de Apuleju “Metamorphoseon Libri XI” e pintau a friscu in sa “Sala de su burricu de oru” de sa Rocca dei Rossi in San Secondo (Parma).
Càstia puru: Sa sala de Apuleju in sa Rocca di San Secondo.
Agiudau de sa serbidora Fòtidi, fancedda sua, Lùciu circat de si mudai in pilloni, ma imperat s’unguentu sballiau e bessit burricu.
Lìburu III, 24.
E movendi giai is bratzus a susu e a bàsciu a mudas, circamu de mi movi strocendi unu pilloni: piumas nudda e nimancu alas, ma is pilus mius inghitzant a ingrussai e si fùrriant a tzuddas, e sa peddi mia moddi s’intostat in còrgiu e a is càbudus de is manus sa spartzidura si perdit e is didus s’assoddint in d-un’unga sola e de s’acabbu de sa schina ndi bessit una coa manna. Agoa sa cara benit manna manna, sa buca longa, is càrigas si slargant, is lavras pendint; a sa pròpriu manera, is origas puru amàniant de no crei e pigant pilus crispus. E de cudda mudàntzia malassortada no biu consolu, foras chi mi cresciat sa natura, ma candu no femu prus bonu a mi pigai apari cun Fòtidi.
Innoi fait a agatai fintzas su scritu originali e sa versioni in italianu.
