Màgini pigada de sa “Sala de su burricu de oru” , in sa Rocca dei Rossi in San Secondo (Parma).
Càstia puru: Lùciu est mudau in burricu 2.
Una truma de ladronis assartillat sa domu e, po si-ndi fuiri, carriant su burricu cun sa cosa furada.
Lìburu III, 28.
Agoa assartillant, a corpus de seguri, una spètzia de magasinu totu serrau e tancau a cadenassus fortis chi fiat in su centru de sa domu e chi Miloni dd’iat prenau de totu sa sienda cosa sua. Totu su chi nci fiat aìnturu si ddu pigant e allestru ddu ponint in sacus e ddu partzint intre issus. Ma sa cosa de pigai est prus manna de su nùmeru de is portadoris. E duncas subercaus de cudda abundàntzia, si-nci faint bessiri de sa stadda nosu duus burricus e su cuaddu miu, si càrriant po su chi arrenescint cun sa prus cosa grai e, ameletzendi-sì a fusti, si faint bessiri de sa domu oramai sbuida (…).
