Màgini pigada de sa “Sala de su burricu de oru” , in sa Rocca dei Rossi in San Secondo (Parma).
Càstia puru: Is ladronis càrriant su burricu 3.
Su burricu at papau birdura meda in d-unu ortu e candu is messajus si-nd’acatant s’arrenegant e faint po dd’arropai.
Lìburu IV, 3.
Comenti emu bistu ca iant atrupau una surra de canis, aici mannus chi podiant gherrai cun ursus e lionis, e mi-ddus iant intzullaus contras, intzandus emu cumprèndiu d’essi acanta a morri e, pigada sa decisioni sola chi faiat, emu arrenuntziau a mi fuiri: torrau agoa allestru, mi-ndi femu acorrau in sa stadda aundi si femus firmaus. Intzandus issus, poderaus a traballu is canis, m’iant aciapau e, acapiau a unu gànciu cun d-una soga bella forti, iant inghitzau torra a mi bociri diaderus a corpus candu is stintinas mias, cancaradas po su dolori e prenas comenti fiant de totu cudda birdura, iant pigau scurrèntzia e nci-nd’iant scavuau a tzàviu totu sa cagaredda; de modu chi su striddicu de cuddu lìcuidu pudèsciu e su fragu de cuddu bàfidu putzinosu ddus iant stesiaus a totus de sa schina mia oramai totu arrogada.
