ALABANTZA A SA FIGUMORISCA
de Otàviu Congiu (1)
Mai dannu tengat sa figumorisca
durciosu frutu de mesu istai,
de assaborai mascimamenti frisca
e beni scovitada innanti de dda scroxai.
Bellesa est su dda biri siat in s’isca
e finas in s’oru ‘e su cabitzai.
“Però, atentzioni!” Narat tzia Prisca
“no ‘ndi papis meda finas a ti satzai.
No fatzas cuss’arrisca
e càstia, papendi-ndi, de t’arregullai
poita, de truessu che lisca
si podit poni e su carru fait abarrai.”
Ma, amentat tzia Francisca:
“Si su stampu benessit a si tupai…
cun sa matessi morisca,
papada callenti, su pertusu si podit stupai”.
E insaras, ajò a “Sa truisca”
amigus. Andeus a si-ndi murzai,
una coxinada. Ellu, sa cresuri de tziu Pisca.
Però, s’ arremonu: sena de s’intruxai!
(1) Austu de su 2023.
Càstia puru: Figumorisca apu papau.
Màgini: DEZALB de Pixabay.
