Màgini: Van Eyck, Retratu de is sposus Arnolfini, 1434 (1).
Su retratu de Is sposus Arnolfini est datau 1434 e firmau «Johannes de Eyck fuit hic»; est sa prus òpera connote de su pintori fiamìngu Jan Van Eyck (1390 ca.-1441). Seus chistionendi de su retratu dòpiu de Giovanni Arnolfini, mercanti arricu de Lucca chi si fiat mòviu a bivi in Bruges in is Fiandras, cun sa mulleri.
S’òmini e sa fèmina funt bistius a manera arrica meda e funt in s’aposentu de letu insoru, descritu in dònnia particulari. Unu sprigu mannu convessu, in palas de issus, reflessat su logu de su totu e s’amostat ca nci funt duas àteras personis, chi una, bistia de arrùbiu, est forsis su pintori Van Eyck etotu (chi difatis iat firmau nendi ca fiat ingunis). Castiendi a s’atenta, fait a nci biri povintzas s’oràngiu arrimau in su parapetus de sa fentana. A ingiriu de su sprigu nci funt dexi miniaturas, no prus mannas de unu mesu centìmetru, chi amostant sa Passioni de Gesugristu, s’Agonia in s’Ortu finas a sa Resurretzioni.
Càstia puru: Unu cuadru spantosu diaderus.
(1) de Didatticarte e de Artesvelata.it.
