Màgini de ChatGPT
Qui trovi la traduzione in italiano.
Here you will find the English translation.
A incuru de Maria Farranca.
Càstia puru: Famosìssima maleditzioni de s’arretori de Masuddas.
Sa scomùniga de Predi Antiogu III.
Su Spantu. Is furonis si-ndi funt portaus totu is bèstias, foras de una craba arrungiosa, screpada e tziddicosa.
Basta, sigaus a nai
ca no mi ‘ollu imbidrigai:
is brabeis fuant(a) nieddas (80)
e potànt(a) po sinnali
is origas ispitzadeddas;
fuant(a) is angioneddus
bellus i arrufadeddus
e po essi cannotus (85)
fuant(a) sena coa
i a corrixeddus trotus.
I’ mascus fuant(a) totus
de una manta e unu colori:
ddui-ndi fut(i) unu brabudu (90)
e u’ antru incorradori
e po tali sinnali,
poita sèmpiri atumbàt(a),
unu corru dd’amancàt(a).
Is crabas e i su crabu (95)
fuant(a) a lana amasturada,
piu longu e piu crutzu,
e totu acaddajonada;
unu solu ddui-ndi fut(i)
chi caminàt a tzopu (100)
poita nci fut(i) arrutu
aintru de unu garropu.
Una ‘i-nd’ant(i) lassau
ca fu’ totu arrungiosa
screpada e tziddicosa. (105)
E una strumbonada ‘e balla
ddi-si ghetint a s’amuntu
ca po essi a su scuru
no potànt(a) s’ogu puntu!
Ehi… chi mi-ndi fuia acatau, (110)
minci e chi si at parau
e potau a segu’ de carru,
ca si-nd’iat fat’ andai
sciutus, mannus e nieddus,
sena conca ni ciorbeddus. (115)
Sighit: Populu disdiciau, temeràriu e prepotenti…
