Màgini de ChatGPT
Qui trovi la traduzione in italiano.
Here you will find the English translation.
A incuru de Maria Farranca.
Càstia puru: Famosìssima maleditzioni de s’arretori de Masuddas.
Sa scomùniga de Predi Antiogu VIII.
Sa scomùniga: a is chi ant furau is crabas, a is chi ddus ant agiudaus, a is chi sciint e a is chi ant papau sa petza de is bèstias.
Adduncas incumantzeus:
siant iscomunigaus
e anatematitzaus
ab homine et latae sententiae (340)
interditae suspensionis
censura de ‘onn’incrementzia
de scomunioni magiori
chi ddi fessit fruminada
de sa Cùria de Arromas, (345)
de totu sa cambarada
de is Papas e Cadrinalis
cun totu is tzaramonieris;
ddu nau e dd’arrapitu:
chi siant iscomunigaus (350)
e anatematitzaus
totu is chi funt(i) brintaus
in s’eca de su vicàriu,
chi no ddui sia’ divàriu
in peruna professioni, (355)
siat in gradu e conditzioni;
siant iscomunigaus
e anatematitzaus
totu is capus de is ladronis,
crobetoris e ischidonis (360)
(e po cussu in custa ‘idda
‘i-nci at tanti bribantis…)
a chini scidiat e sciit(i)
su chi mi-nd’ant(i) liau
e no dd’at arrellatau. (365)
Siant iscomunigaus
e anatematitzaus
is chi ant(i) donau agiudu
o calincunu cuntzillu,
sia’ mannu o sia’ pitiu (370)
sia’ babbu o sia’ fillu,
e candu si nau a totus
s’at a intendi de seguru
mascus e fèminas puru.
E si de is pegus mius (375)
algunu ‘i-nd’ant ‘ociu,
at essi iscomunigau
chini totu ‘i-nd’at papau,
siat a pràngiu siat a cena
e at a patí sa pena, (380)
comenti chi essit pisciau
in su Santa Santorum,
(…)
E in fini de totu custu,
po chi mroxant(a) de assustu, (425)
ant essi de totu is crèsias
de is biddas e de Casteddu
tocadas a son’ ‘e motu
is campanas a mateddu,
e de morus e de cristianus (430)
de trucus e prubicanus,
e po essi de sinnali
i-nci ‘etu is candebeddas,
sa stoba e su missabi
e strepus cantu ddu’ at(i) (435)
po chi siant apatigaus,
e aici s’ant a apatigai,
fillus de perditzioni,
maledictus in igne eternum
cun malis et tentationis (440)
et stercus demoniorum.
Tronus, lampus e stracia
e bentus de dònnia genia
ddus potzant acumpangiai
(…)
Sighit: Po totu su chi ei’ fatu chi totu is canis de pratza…
