Màgini pigada de sa “Sala de su burricu de oru” , in sa Rocca dei Rossi in San Secondo (Parma).
Càstia puru: Is tzeracus ddu cassant papendi petza 13-15.
Sa fama ndi-ddi bessit aici manna chi su burricu s’iat a depi amostai povintzas in pùblicu, in s’anfiteatru (cuadru XVI).
Lìburu X, 29.
Allodda arribbada sa dii de sa festa e, cun su pòpulu infatu aclamendi-mì, mi portant a s’anfiteatru. Comenti e chi sa primu parti de su spetàculu dd’iant dedicada a is ballus e a is giogus e m’iant lassau po imoi ananti de sa genna, deu mi-nd’abarramu inguni totu prexau, pascendi s’erba moddi chi cresciat giustu in s’intrada, e in su mentris cuntentamu is ogus mius curiosus, peri sa genna oberta, castiendi su spetàculu praxili praxili.
Difatis piciocus e piciocas, in su frori de sa giovunesa insoru, bellus a ddus biri, bistius de spantu, donosus in su portamentu, intraus po baddai sa pìrrica a s’arega, in filas serradas, disinniànt movimentus elegantis, a candu formendi unu circu chi giràt de sighida, a candu ponendi-sì a lìnias truessas o a àngulu formendi unu cuadrau, a candu stesiendi-sì po si partziri in duas fileras.
Innoi fait a agatai fintzas su scritu originali e sa versioni in italianu:
Su burricu s’iat a depi amostai povintzas in pùblicu, XVI
Sighit: Lùciu si-ndi fuit a s’oru de mari, 17.
