Màgini: Lutziferru, Giotto di Bondone, Capella de is Scrovegni, Pàdova
Candu a su poeta Antoni Nàtziu Garau ddu faint arrennegai
IS AMIGUS BELLUS:
PSICOLOGIA DE IS ANIMALIS A DUAS CAMBAS
Mutetu froriu, a tres peis
No si-ddu negas s’agiudu
a chini ddu creis amigu,
poita si-ddu merescit.
No si-ddu negas s’agiudu:
a lestru si-ndi scarescit,
che a su peus inimigu
asuba ti ghetat ludu.
A chini ddu creis amigu:
asuba ti ghetat ludu,
a lestru si-ndi scarescit,
che a su peus inimigu.
Poita si-ddu merescit:
che a su peus inimigu
asuba ti ghetat ludu,
a lestru si-ndi scarescit.
Su cantadori Giampaolo Nuscis ddi torrat
Picasso fadiat disìnnius
modernus e no antigus
de su cubismu fut meri.
Picasso fadiat disìnnius:
s’arrespetu est doveri
cussus mancu funt amigus
e de s’arregodu dìnnius.
Modernus e no antigus:
e de s’arregodu dìnnius
s’arrespetu est doveri
cussus mancu funt amigus.
De su cubismu fut meri:
cussus mancu funt amigus
e de s’arregodu dìnnius
s’arrespetu est doveri.
Sighit
