Un’amigu s’at lassau, unu chi chistionàt pagu e faiat meda e diaici naràt prus pagu scimpròrius de is àterus.
Fiat nàsciu in Leggiuno, acanta de Varese, su 7 de donniasantu de su 1944. Fiat arribbau a Casteddu in su 1963 po giogai a fuba e no si-nd’est andau prus. In su Casteddu at giogau finas a su 1977, in cudda simana at fatu 208 gos, in su 1970 sa scuadra iat bintu su campionau mannu italianu. In sa natzionali italiana at giogau 42 bortas e at fatu 35 gos, iat bintu su campionau europeu e fiat stètiu segundu in cuddu mundiali.
S’at lassau su 22 de gennàrgiu 2024. Po ddu saludai a s’interru, in foras de sa basìlica de Nostra Sennora de Bonària nci fiant unus 30.000 personis. Nanca sa terra nosta ddi praxiat diaici tanti ca iat detzìdiu de essi sardu issu puru. Totu sa Sardìnnia ddu stimàt e sighit a ddu stimai.
Ddi nant Gigi Riva.
