![Tziu Gustinu: Autobiografia de burricu – Su de cuàturu](https://i0.wp.com/bideas.org/wp-content/uploads/2023/04/PNG-donkey-1268897_1280-jpg.webp?resize=600%2C400&ssl=1)
Tziu Gustinu: Autobiografia de burricu – Su de cuàturu
A manu manca de custu strintu ddui fiat su portali de tziu Gustinu; apu nau portali ma mellus ia a ai fatu a narri su chi nd’abarràt: duas antas de pedra traballadas in grussu a scrafeddu ingurdu e cuàturu àstuas de linna pudriada, poderadas impari cun filu de ferru e acàpiu de ballas de foràgiu, chi abarrànt in pei po scomissa.