Johann Heinrich Füssli, S’amurtadori lassat su crocadroxu de duas piciocas dromias, 1793, Zurigu, Muraltengut – Public Domain via Wikipedia Antoni Maria Mulas Po Cantu Biddanoa est un’arromanzu de Benvenuto Lobina chi contat sa stòria de Luisicu, eroi de gherra, e de Biddanoa de Tulu in sa simana chi andat de s’acabbada de sa primu gherra…
Countdown de Marco Corda Sarbadori Mùrgia fiat asuriu. No est chi is àteras cosas no ddi praxiant, perou beniant sèmpiri apustis de su dinai. Sa famìllia, po nai. No si podit nai ca no stimàt is duas fillas chi teniat, Virgìnia e Sofia, chi ddu agiudànt in butega, ma sa genti naràt ca, si issu…
SA SCHEDINA de Giampaolo Pisu “Ancora po pagu depu aguantai balla! Chi ddu sciiais!” Nci-ddi scapàt s’arrisu scéti a nci pensai. Is collegas de traballu si-ndi fiant acataus de cussu arrisixeddu scimpru chi fatuvatu ddi frungiat is murrus. “Ita stocada teniat?” Fiant pensendi seguramenti. Ancora no iat nau nudda a nemus, mancu a sa pobidda!…
A manu manca de custu strintu ddui fiat su portali de tziu Gustinu; apu nau portali ma mellus ia a ai fatu a narri su chi nd’abarràt: duas antas de pedra traballadas in grussu a scrafeddu ingurdu e cuàturu àstuas de linna pudriada, poderadas impari cun filu de ferru e acàpiu de ballas de foràgiu, chi abarrànt in pei po scomissa.
No podeis sciri sa pena chi mi costat de no podi chistionai, batallai, abetiai cun tzertus òminis (e fèminas puru) … infinis, su cherpu de bivi dònnia santa dii in su cumbincimentu chi molentis meda no fatzant parti de sa genia nosta ma de cudd’atra.
de Efisio Cuccu
«Est cussu macu de babu tuu! … ellus no dd’est acucau naca a fai sa sciampànnia! … at sebarau s’àxina bianca, dd’at cacigada e apustis no sciu ita totu dd’at amesturau; nd’at prenu butìllias, ddis at postu tapus cun filu de ferru e ddas at abigadas, imbaradas a sa pinna murumesu cun s’aposentu de anca dromeus … cuìndixi diis fait su primu scòchidu e apustis est cumentzada sa gherra: dònnia noti parit chi ddui scòpiint bombas in magasinu!»
de Efisio Cuccu
A sa morti de “nonna” Sanna, ajaja de parti de babu (sa de parti de mama fiat “nonna” Pippia), nosi fut tocau in sorti unu burricu. Morixeddu si naràt e, po totu narri, su nòmini nd’arrispetàt sa bisura a metadi, ca fut sì piticheddu de cantellu, ma moru no fut.
Dd’emu comporau online. Stravanau, mi fiat pràxïu luegus fintzas de su primu momentu chi dd’emu biu in su giassu.
de Veronica Atzei In is tempus de su dilùviu universali Noei iat detzìdiu ca una borta a sa cida is animalis depiant ascurtai sa missa. Duncas su domìnigu fadiat sa missa in s’arca. Su preidi ddu fadiat issu etotu, e is animalis ddus pigàt a borta a borta a sagrestanus. Custu domìnigu fut sa borta…
de Marco Corda «Saludi.» «Saludi, nerit-mí» «Seu una mìgia.» «Custu gei ddu biu. Ita potzu fai po fusteti?» «Seu bènniu a mi chesciai.» «Tochit, nerit-mì. A lestru perou. Ca no teneus tempus de fai a perdi, innoi in s’ofìciu de is chistionis generalis.» «Intzandus, sa cosa no est bella. Un’afrontu lègiu, iat a nai. Deu…
